Category: News

വെള്ളിനേഴി: കുളക്കാട് പൂന്തോട്ടം ആയുർവേദ ആശ്രമത്തിന്റെ 37-ാം വാർഷികാഘോഷത്തോടനുബന്ധിച്ച് സംഘടിപ്പിച്ച ആയുർവേദ എക്സിബിഷനിൽ സരസ്വതി വിദ്യാനികേതൻ, വെള്ളിനേഴിയിലെ 35 വിദ്യാർത്ഥികളും രണ്ട് അധ്യാപകരും പങ്കെടുത്തു. ആയുർവേദത്തിന്റെ ചരിത്രം, ചികിത്സാരീതികൾ, ഔഷധസസ്യങ്ങളുടെ പ്രാധാന്യം, ആയുർവേദ മരുന്നുകളുടെ നിർമ്മാണപ്രക്രിയ എന്നിവയെക്കുറിച്ച് ഡോ. മൃദുലും മറ്റ് ആയുർവേദ വിദഗ്ധരും വിദ്യാർത്ഥികളുമായി സംവദിച്ചു. വിവിധ ഔഷധസസ്യങ്ങൾ, ഔഷധനിർമാണത്തിന്റെ വിവിധ ഘട്ടങ്ങൾ എന്നിവ നേരിൽ പരിചയപ്പെടുന്നതിനും ആയുർവേദത്തിന്റെ ശാസ്ത്രീയവും പ്രായോഗികവുമായ വശങ്ങൾ മനസ്സിലാക്കുന്നതിനും വിദ്യാർത്ഥികൾക്ക് അവസരം ലഭിച്ചു. വിദ്യാർത്ഥികളിൽ ആയുർവേദത്തെക്കുറിച്ചുള്ള അവബോധവും പ്രകൃതിയോടും ആരോഗ്യസംരക്ഷണത്തോടുമുള്ള…

വെള്ളിനേഴി: ലേഖറാം ഫൗണ്ടേഷന്റെ നേതൃത്വത്തിൽ പ്രവർത്തിക്കുന്ന സരസ്വതി വിദ്യാനികേതനിൽ ജൂൺ 19 ന് വായനാദിനം ആചരിച്ചു. മലയാളം അധ്യാപിക ശ്രീമതി: ജയശ്രീ വായനാദിനത്തിന്റെ പ്രാധാന്യത്തെക്കുറിച്ച് കുട്ടികൾക്ക് പറഞ്ഞു കൊടുത്തു. പോസ്റ്റർ നിർമ്മാണം, അക്ഷരവൃക്ഷ നിർമ്മാണം, ആസ്വാദനക്കുറിപ്പ്, കഥയെഴുത്ത്, വായനാദിന ക്വിസ് എന്നിവ നടത്തി.രക്ഷിതാക്കൾക്കായി ആസ്വാദനക്കുറിപ്പ് മത്സരം സംഘടിപ്പിച്ചു. ശിശുവാടിക കുട്ടികൾക്ക് അക്ഷരമര നിർമ്മാണവും, നിറം നോക്കി അക്ഷരം കണ്ടെത്തുന്ന പ്രവർത്തനവും നടത്തി. ജൂൺ 19 മുതൽ 25 വരെ വായന വാരമായി ആചരിക്കാൻ തീരുമാനിച്ചു.