അന്താരാഷ്ട്ര ലഹരി വിരുദ്ധ ദിനത്തോടനുബന്ധിച്ച് വിദ്യാലയത്തിൽ ജൂൺ 26 ന് തിങ്കളാഴ്ച കാലത്ത് 9 മണിക്ക് സ്കൂൾ കുട്ടികൾക്ക് ലഹരി വിരുദ്ധ ബോധവൽക്കരണ ക്ലാസ് നടത്തി. പ്രധാനാധ്യാപിക ശ്രീമതി. രജനി, അധ്യാപിക ശ്രീമതി. സൗമ്യ എന്നിവർ സംസാരിച്ചു. ലഹരി ബോധവൽക്കരണത്തിനെ കുറിച്ചുള്ള ഒരു ഗീതം കുട്ടികൾക്ക് ചൊല്ലി കൊടുത്തു. വിദ്യാർത്ഥികൾ തയ്യാറാക്കിയ പോസ്റ്ററുകളുടെ പ്രദർശനം നടത്തി. ഇതിനോടനുബന്ധിച്ച് ജൂൺ 27 ന് കുട്ടികൾക്കായി പോസ്റ്റർ മത്സരവും ഉപന്യാസമത്സരവും നടത്തി.
